საძილე ტომარა თუ საბანი? რომელია უსაფრთხო ბავშვისთვის?

საძილე ტომარა თუ საბანი? რომელია უსაფრთხო ბავშვისთვის?

ბავშვის ძილი ერთ-ერთი ყველაზე მნიშვნელოვანი თემაა ახალბედა მშობლებისთვის. როგორ დავაწვინოთ ახალშოვილი ისე, რომ უსაფრთხოდ და კომფორტულად იყოს? არც იწუწუნოს და არც ის დავჭირდეს, მის სასთუმალთან გავათენოთ ღამე, როცა თავად ღრმად სძინავს?

ყველაზე ხშირად დასმული კითხვაა: რა ვიყიდოთ, საბანი თუ საძილე ტომარა?

რატომ არ არის რეკომენდებული საბანი

პირველ წელს ბავშვის საწოლში, როცა მას სძინავს არ უნდა ჩავდოთ არანაირი ზედმეტი ქსოვილი - არც საბანი, არც ბალიში, არც რბილი სათამაშო, არც ლამაზ-ლამაზი და ფერადი ბამპერები. მიზეზი მარტივია: არსებობს რისკი, რომ საბანი ახალშობილმა მისდაუნებრულად დაიფაროს სახეზე ,მოხსნა ვერ შეძლოს და შეზღუდოს სუნთქვა. ეს ზრდის უეცარი ჩვილთა სიკვდილის სინდრომის (SIDS) ალბათობას. მართალია, ბევრი დედა ამბობს, რომ ბავშვის ძილს დარაჯობენ, მაგრამ დედას ძილი და დასვენება ახალშობილზე მეტადაც კი სჭირდება. ამიტომ, სჯობს ვიხელმძღვანელოთ პრინციპით- თავის დაზღვევა საუკეთესო გამოსავალია.

ამერიკის პედიატრთა აკადემია (AAP) და CDC ორივე მკაფიოდ ურჩევენ მშობლებს, რომ პირველი 12 თვის განმავლობაში საბანი საერთოდ არ გამოიყენონ.

ევროპაშიც იგივე მიდგომაა: EuroSafe რეკომენდაციას იძლევა, რომ საბნის ნაცვლად ბავშვს უბრალოდ თბილი პიჟამო ეცვას ან საძილე ტომარაში ეძინოს. გერმანულმა კვლევებმა აჩვენა, რომ ტომრის გამოყენება პირდაპირ კავშირშია SIDS-ის შემთხვევების შემცირებასთან.

საძილე ტომარა „ჩასაცმელი საბანია“. ის ბავშვს აცვია ტანზე და მთელი ღამის განმავლობაში ინარჩუნებს სითბოს. მისი მთავარი უპირატესობებია:

  • უსაფრთხოება: ტომარას ბავშვი სახეზე ვერ გადაიფარებს
  • კომფორტი: ბავშვი თბილადაა, ნამდვილად არ შესცივდება და  არც ზედმეტად გადახურდება.
  • თავისუფლება: ხელები და ფეხები მოძრაობს, რაც ბავშვის ბუნებრივ განვითარებას არ ზღუდავს. თუმცა ,ზოგ ბავშვს შეხვეული ხელებით უფრო მშვიდად სძინავს. ამ შემთხვევაში, შესახვევი ტომარა უნდა აირჩიოთ.
  • რუტინის ნაწილი: ბავშვებისთვის ტომარაში ჩასმა იქცევა ძილის სიგნალად - როცა ბავშვი მას იცვამს, უკვე იცის, რომ ძილის დროა.

 

ტომარა შეგიძლიათ გამოიყენოთ დაბადებიდანვე. ტომარის გამოყენება შეიძლება არა მხოლოდ 1 წლამდე, არამედ უფრო დიდხანსაც. მანამ, სანამ ბავშვი თავს კომფორტულად გრძნობს.

როგორ ავარჩიოთ ტომარა

სწორი მოდელის შერჩევა მნიშვნელოვანია:

  • ზომა: აუცილებლად შეესაბამებოდეს ბავშვის ასაკსა და წონას.
  • მასალა: ბამბა ან სხვა ნატურალური ქსოვილი, რომ ბავშვს არც შესცივდეს და არც გადახურდეს.
  • ტემპერატურის ინდექსი (TOG): ზაფხულში - თხელი, ზამთარში -სქელი. ეს ასევე დამოკიდებულია, რა ტემპერატურა გაქვთ საძინებელში
  • უსაფრთხოება: ტომარა არ უნდა იყოს ხელოვნურად დამძიმებული ქსოვილის (weighted).

რა მოდელები შეგიძლიათ ნახოთ ჩვენს საიტზე?

·  Bout’Chou,  2.0 TOG, 100% ბამბა — თბილი, რბილი და უსაფრთხო ტომარაmomy.ge

·  Next, 2.5 TOG, ბამბა, თბილი პოლიესტერის ფენით შუაში. momy.ge+1

·  HALO Swaddle, 0-3 თვის ასაკისთვის, რომლებსაც გახვეულ მდგომარეობაში უკეთ სძინავთ 1.5 TOG, ტემპერატურის რეგულირების ინოვაციური ტექნოლოგიით momy.ge

 

სტატიაში გამოყენებული წყაროები:

ავტორი: შორენა ლაღაძე